Mga bagay-bagay na naaalala ko pa nung ako'y nasa grade 1
- nasa grade 1 section acacia ako. first room na nasa harap ng main gate ng school namin.
- sa labas ng school ay may nakatayong malaking puno ng akasya.
- naging biro namin na may nakatirang mga lamang lupa sa punong iyon dahil sa tanda nito
- ang teacher namin ay si Bb. Lydia Ermac
- napagalitan ako sa unang araw ng pasukan dahil pinaiyak ko ang kaklase ko na nakaupo sa harapan ko. Napag-tripan ko yung rubber band sa buhok niya. Uso kasi ang rubber band nung mga panahong 'yon.
- minsan dumalaw ang tita ko sa room para ibigay ang baon ko. Nagse-spelling quiz nung mga panahong yun. Tinanong ko ang tita ko kung ano ang spelling ng Philippines. Binigay niya naman ito.
- uso sa grade 1 ang class bully
- grade 1 pa lang, parati na akong late. Kaya ang ginawa ng tita ko, pina-car-pool (na tricycle) niya ako. May isang beses na ako ang pinakaunang dumating sa klase.
- ang palikuran ay para sa mga babae at guro lamang. Kung naiihi si junior, kailangan mong mag-excuse-me-maam-may-I-go-out at tumakbo sa pader na malapit sa gate at dun mo gagawin ang tawag ng kalikasan.
- may naglalako ng tinapay at ice candy sa klase kaya hindi na kami pinalalabas tuwing recess
- pakiramdam ko, ako ang teacher's pet ni maam. binigyan niya ako ng pasalubong nung umuwi siya ng Bohol nung Pasko.
- tumae ang isang kaklase ko. Si Noriel
- partner ko si Noriel sa reading session. Hindi siya marunong magbasa. Sinabi ni Maam na paluin daw ang hindi marunong magbasa. Dahil masunurin ako, pinalo ko naman siya.
- Text cards, rubber band at holen ang favorite game ng mga bata.
- Tinatabi kami ng isa kong schoolmate na si Karen tuwing flag ceremony para makita ng mga kaklase kong walang magawa kung sino ang mas maputi sa aming dalaw.
- Pinaguhit kami ng Mt. Mayon pero binalik at pinaulit ni maam ang ginawa ko. Ginamitan ko ito ng ruler at nagmukhang pyramid ang Mt. Mayon
- Nainggit ako sa isang kaklase ko dahil maraming banana at coconut trees ang kanyang ginuhit na bundok.
This blog supports Wika 2007.
